ibonreads

Nirebisang metodolohiya sa kahirapan ng gubyerno, lutang sa tunay na sitwasyon

In Filipino, Media Release on February 13, 2011 at 4:51 am

Gamit ng ‘least cost’ food bundle, kinwestyon

Tinuligsa ng grupong panaliksik na IBON ang bagong metodolohiya ng gubyerno sa kahirapan na bigo sa pagsalamin ng tunay na sitwasyon ng mahihirap na Pilipino, sa pamamagitan ng pagsabing ang mga pagbabagong ginawa sa dati nang problemadong metodolohiya ay lalong bumaluktot sa larawan ng kahirapan sa bansa.

Inilabas ng National Statistical Coordination Board (NSCB) kahapon ang upisyal na datos sa kahirapan batay sa mga pagbabago sa metodolohiya ng pagtantsa ng kahirapan, na inaprubahan ng ahensya sa maagang bahagi ng buwang ito. Diumano’y tinatantsa ng bagong kaparaanan ang ‘food bundle’ o bugkos ng pagkain, na mahalaga dahil may tatlo sa limang bahagi ng kita ng pinakadukhang kalahati ng populasyon ay ginagastos sa pagkain lamang.

Subalit ang mga pagtantsa ay nakabatay sa ‘pinakamurang halagang’ bugkos ng pagkain, na sabi ng grupong panaliksik ay maaaring hindi natatamasa ng karamihang Pilipino. Lumilitaw na nakadepende rin ang bugkos na ito sa ‘ipinapakitang kagustuhan’ na nagmimistulang nangangahulugan na sinasalamin nito ang aktwal na paggastos, subalit maaaring isang padron lamang ng paggastos di ayon sa pasya o pagpili kundi napipilitan ang mga Pilipino na inaangkop ang kanilang paggastos ayon sa kanilang kahirapan. Ayon sa grupo, ang karanasan ng mahihirap na Pilipino sa aktwal ang pinakamatibay na argumento na ang bagong ‘poverty line’ ay lutang sa araw-araw na mga reyalidad.

Dagdag pa, inilalagay ng bagong metodolohiya ang upisyal na hangganan ng kahirapan (poverty threshold) o ang halagang kinakailangan para sa kinakayang antas para mabuhay, sa P46 kada tao kada araw noong 2009. Mas mababa ito kaysa kung ang pambansang ‘poverty line’ ay P52 ayon sa lumang metodolohiya, at epektibong pinabababa ang bilang ng mahihirap nang 5.32 milyon nang hindi naman talaga pinabubuti ang sitwasyon ng kahirapan. Kung ang orihinal na metodolohiya ay tuluy-tuloy na ginamit, maipapakita nito na ang bilang ng mahihirap na Pilipino ay tumaas mula 2006 nang 850,000 hanggang 28.5 milyon noong 2009. Dapat bigyang-diin na maaaring mababang pagtantsa ito at inaakong ang Pilipino ay nangangailangan ng P52 lamang kada araw upang di mabilang na mahirap.

Sinabi rin ng grupong panaliksik na nakakadismayang huhugot lamang ang gubyerno ng mga katumbas na pagtantsa ayon sa bago at lumang metodolohiya sa loob ng tatlong taon. Gagawin nitong lalong mali na ikumpara ang mga pagtantsa sa kahirapan sa paglipas ng panahon bukod sa, maaaring sadya, na magbigay ng impresyon na ang kahirapan ay malinaw na humuhupa. Itinatanong rin ng IBON kung papaano maaapektuhan ng bagong metodolohiya ang pormulasyon ng mga programang pampawi ng kahirapan sa hinaharap, laluna sa harap ng tumataas na mga presyo ng bilihin at kawalang-trabaho.

Dapat makitil ng gubyerno ang kahirapan sa pamamagitan ng pagpapataas ng kita ng mga Pilipino sa halip na pababain ang hangganan ng kahirapan. Katulad na sitwasyon ito sa pagbabago ng depinisyon sa tantos ng disempleyo noong Abril 2005 sa ilalim ng lumipas na administrasyong Arroyo na sa estadistika ay pinababa ang bilang ng mga walang trabaho nang may 1.5 milyon at ang tantos ng disempleyo nang may 3.6 porsyentong puntos nang hindi tunay na pinabababa ang bilang ng mga Pilipinong walang trabaho.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: